Nova

DURO TRABALLO PARA OS XUVENÍS

29/07/2010

O equipo xuvenil comezou con moita forza o período de pretemporada. As sesións de traballo ás que están sendo sometidos están sendo tan duras como satisfactorias. Onte mércores, o adestramento durou dúas horas e media, nas que os xogadores tiveron que facer fronte a un importante traballo físico e técnico-táctico dirixido polos adestradores. Tras unha primeira parte de traballo físico no campo anexo, sempre con balón polo medio, a metade do plantel traballou co preparador físico Ferchi no ximnasio, mentres que o resto de xogadores quedaron no campo anexo realizando diversos traballos técnico-tácticos baixo as ordes de Juancar, intercambiando despois os grupos para que todos realizasen a mesma carga de traballo. Estase prestando unha importante atención ao traballo de estiramentos para evitar as típicas cambras de pretemporada e para diminuír o risco de lesións. O persoal continuará exercitándose o que resta de semana e só gozará de descanso o domingo tras o encontro que disputará o sábado en Mugardos e que será o primeiro da pretemporada.